iOS 5–8 işlədən iPhone, iPad və iPod touch üçün iCloud ehtiyat nüsxəsi qaydaları dəyişib. iOS 9 və daha yeni sistem istifadə edirsinizsə, bu dəyişikliklə bağlı əlavə tədbir lazım deyil.
iOS 8 və əvvəlki versiyalarda nə dəyişib?
18 dekabr 2024-dən iCloud ehtiyat nüsxəsi üçün iOS 9 və ya daha yeni sistem tələb olunur. iOS 5–8 cihazlarında yeni iCloud nüsxələri yaradılmır, əvvəlki nüsxələrə isə giriş yoxdur.
Tətbiqləriniz, məlumatlarınız və məzmununuz cihazın özündə qalır. Onları qorumaq üçün sistemi yeniləyin və ya kompüterdə nüsxə yaradın.
Uyğun cihazı yeniləyin
iPhone 4s və sonrası, iPad 2 və sonrası, həmçinin iPod touch-un 5-ci nəsli və sonrası iOS 9 və ya daha yeni uyğun versiyaya yenilənə bilər.
Settings → General → Software Update yolunu açıb təlimatı izləyin. Kompüterdə Finder, Apple Devices və ya iTunes ilə də yeniləmək olar: cihazı USB ilə qoşun, seçin, General/Summary bölməsində Check for Update, sonra Update və ya Download and Update seçin.
Yeniləmək mümkün deyilsə, kompüterdən istifadə edin
Məlumatların ayrıca surətlərini də saxlaya bilərsiniz. Nüsxələmə bildirişlərini dayandırmaq üçün cihazın iCloud ayarlarında iCloud Backup seçimini söndürün.
Mac: Finder ilə ehtiyat nüsxə
macOS Catalina və sonrasında cihazı USB ilə qoşun. Dock-dan Finder-i açın, yan paneldə cihazı seçin və General bölməsinə keçin. Məlumatları bu Mac-də saxlamaq seçimini işarələyib Back Up Now basın. Parolla qorumaq üçün Encrypt local backup seçilə bilər.
MacBook — Finder ilə adi ehtiyat nüsxə
İlk dəfə qoşulma, etibar təsdiqi və Mac-də yerli nüsxənin yaradılması.
TexnoServer · İzahlı animasiya. Menyular və tarixlər nümunədir; real parol daxil edilmir.
Windows: Apple Devices və ya iTunes; köhnə Mac: iTunes
Windows-da Apple Devices və ya iTunes-u, macOS Mojave və əvvəlki versiyalarda isə iTunes-u açın. Cihazı USB ilə qoşub tətbiqdə seçin. Apple Devices-də General, iTunes-da Summary bölməsinə keçin. Back Up Now ilə nüsxəni başladın. Şifrələmə üçün Encrypt local backup seçib ayrıca parol yaradın.
Aşağıdakı nümunə Windows-da iTunes üçündür. Köhnə Mac-də iTunes görünüşü fərqlənir.
Windows — iTunes ilə ehtiyat nüsxə
Windows-da iTunes quraşdırılıbsa bu addımları izləyin. Apple Devices istifadə edirsinizsə, həmin tətbiqin təlimatına baxın.
TexnoServer · İzahlı animasiya. Menyular və tarixlər nümunədir; real parol daxil edilmir.
Mənbə: iOS 8 və əvvəlki sistemlərdə cihaz və məlumatların ehtiyat nüsxəsini saxlamaq — Apple Support
Əlavə təlimatlar: Mac-də nüsxə · Windows-da nüsxə
Texno Bələdçi · Menyu görünüşləri izahlı nümunələrdir.